الفلاح اليوم ـ تواصل إيمانا منا بأهمية التواصل مع متابعينا فإن "الفلاح اليوم" ينشر إسهامات القراء فى هذا القسم..
ناس وناس
كله ماشى بألف وش
فى ناس عمال على بطال بِتؤش
وناس تخون وناس بتغِش
وناس مش لاقيه القوت عماله تهِش
وناس كرامتها منصانه وناس عبيد للقرش
وناس عنوانها الشرف وناس بالرشوه تِخُش
وناس هاديه وراضيه وناس صداع بيوِش
وناس نِسيِت طعم الحلو وعيشتها مِش فى مِش
وناس ساكنه القصور وناس تِسكُن عِش
وناس وكلاها ولعة عمالة تِسِف تِحِش
وناس فاسده ومفسوده لا تنكِسِف ولا بِتكِش
وناس بالقليل ترضى وناس تِعَبى فى كِرش
وناس منفوخه ع الفاضى مش عاوزه تِفِش
وناس كتيرة الغلط تغلط وتقول معلهش
وناس هايصه وناس لايصه عمالة تِنِش
تفتكروا نآمن لابو ألف وِش ؟ .. ما اَفتكرش
د/أشرف يونس
ليست هناك تعليقات:
إرسال تعليق