الفلاح اليوم ـ تواصل أصدر الرئيس عبد الفتاح السيسي قرار بزراعة مليون فدان وده قرار جرئ جدا ﻻ يصدر اﻻ من رجل فعلا قلبه على البلد.
وانا أعتقد أن جميع أطياف الشعب بمختلف اتجاهاته مع هذ القرار.
ولكن الأهم هو طريقة تنفيذ هذا القرار وﻻزم نعرف أن الأرض اللى خصصها الريس خارج نطاق الدلتا يعنى ارض بكر وﻻزم نتعامل معها على هذا الأساس.
يعنى اوﻻ منستعملش فيها مبيدات ونستخدم أسلوب المكافحة المتكاملة ودى طريقة للحد من استخدام المبيدات ووزارة الزراعة عارفاها كويس جداً.
وتانى حاجة نطبق فيها نظام الدورة الزراعيه عشان نحافظ على خصوبة التربة.
وتالت حاجة نبدأ نشغل كل ماهو محب للزراعة عن طريق شركات تحت إشراف إداري ومالى من مجلس الوزراء عشان المزارع يضمن حقه.
وبعد كدة ييجى دور الدولة في تسويق المنتج.
وبكدة نكون استفدنا من قرار الرئيس أكبر استفادة ممكنة مش كدة وﻻ ايه ويجعله عامر.
د/طارق محمود
مركز البحوث الزراعية
ليست هناك تعليقات:
إرسال تعليق