بقلم: م. أحمد عبدالعال
اشرف شاب فى مقتبل العمر انهى دراستة فى كلية الهندسة كذلك انهى الخدمة العسكرية والتحق اخيرا باحدى الشركات للعمل بها مقابل اجر مالى معقول
يبدا اشرف يومه بدعوات امه كل صباح وهى توقظه من النوم ليذهب الى العمل
يارب يابنى يسهلك ويرزقك ببنت الحلال اللى تفرحك وتهدى سرك وكلما قابل احد اصدقاؤة يقول له شد حيلك عاوزين نفرح بيك
وفعلا بدا اشرف يفكر فى الامر الى ان اهتدى اليها.....عزة ..جارة لهم فى الحى ..صيدلانية ..على قدر من الجمال ..وعائلتها سمعتها طيبة وابوها على قدر من التفتح والثقافة
اشرف: يسعدنى ويشرفنى ياعمى اطلب ايد الدكتورة عزة
ابوها-اهلا وسهلا بيك يابنى ده شرف لينا لكن سيبنى كام يوم ارد عليك
اشرف فى اتصال تليفونى مع والد العروس:
تقدر تدعو والديك يوم الخميس نتفق على التفاصيل
فرح اشرفواحس ان الله تقبل دعوات امه ليكمل نصف دينه
والد العروس اهلا وسهلا انتو شرفتونا وانستونا
والدة العروس احنا زارنا النبى
اهل العريس الشرف لينا يافندم
والد العروس مبدئيا احنا موافقين نتكلم فى التفاصيل
المهر طبعا ربع جنيه زى كل الناس
اما الشبكة دى هديتك للعروسة لكن لاتقل عن 100 جرام
اشرف 100 جرام ياعمى؟
والد العروسة 100 جرام زى اختها الكبيرة
المؤخر 100000 جنيه
اشرف 100000 ؟ بس انا مش ناوى اطلق ياعمى
والد العروس بابنى دى شكليات امام الناسوبعدين بنت خالتها مش احسن منها كتبو لها 100000جنيه
اما بالنسبة للجهاز هاتجهز حجرة النوم والسفرة والصالون بالاضافة لحجرة نوم اضافية علشان والدتها لو حبت بيات عندكم ومستقبلا تكون للاولاد
وطبعا كل حجرة بمستلزماتها من سجاد ونجف
بس ياعمى انا لسه بابدا حياتى وده هايكون كتير
والد العروس كله بيعدى وربنا يقويك وبعدين لما تدفع كتير تحس انها غالية فتحافظ عليها
وبعدين احنا بنشترى راجل
احس اشرف انه قد تلقى ضربة قوية بالمرزبة وبحسبة بسيطة دارت فى راسه
100 جرام ذهب × 350 جنيه = 33500 غير الدمغة والمصنعية
4 غرف × متوسط 25000 جنيه = 100000
ناهيك عن الشقة نفسها فاقل شقة 100م2 لا تقل عن 300000 جنيه غير تشطيبها
المجموع حوالى 500000 جنيه
انتفض اشرف واقفا هو ووالديه وهو يقول...حاضر ياعمى اعطنى فرصة اجهز نفسى وعلى موعد قادم ان شاء الله
فى اليوم التالى ايقظته والدته ليذهب الى العمل لكنه لم يفعل بل لملم اوراقه وذهب الى احد السفارات وقدم اوراقه للهجرة
فعلا قبل طلبه وسافر الى بلاد جديدة وامل جديد فى الحياة واثبات الذات
بعد حوالى 6 شهور اتصل باهله واخبرهم انه قادم الى مصر اختلطت المشاعر لديهم بين فرحهم انهم سيطمئنوا على ابنهم وحزنهم خشية ان يكون قد فشل فى الغربة
فذهبوا لاستقبالة فى المطارواذا به متابط فتاة شقراء هيفاء ممشوقة زرقاء العينين بعد السلام والترحيب عرفهم بها انها خطيبته وانها لم تشترط شيئا سوى ان يتم الزفاف وشهر العسل فى مصر
هكذا كانت قصة العديد من البنات اللائى تخطين الثلاثين من عمرهن ولم يتزوجن بسبب تعنت ابويهم او المغالاة فى طلبات الزواج ولقد وصانا الله ورسوله بالتيسر للمساعدة فى عفة الشباب واعمار الكون
هذه الايام يشاء السميع العليمان لا يحتاج الشباب للهجرة فقد اتت اليه الفتيات الاجنبيات من البوسنة وكرواتيا وروسيا والصين وحرائر سوريايبحثن عن عريس فى بلادنا ولا ياملن سوى عيشة كريمة وحسن المعاشرة
فماذا ستفعل الفتيات المصريات
هل ستشترى راجل بالطريقة المصرية ولا......
واح عاوز يتجوز
ليست هناك تعليقات:
إرسال تعليق